Home > Ġenerali > Il-Ħamsa u Tletin Jum tar-Randan

Il-Ħamsa u Tletin Jum tar-Randan


Minn Monsinjur Ġużeppi Farrugia

IT-TNEJN TAS-SITT ĠIMGĦA TAR-RANDAN

Ġw 12,1-11 – Is 42,1-7

“Ħares lejna, o Alla li tista’ kollox, ara kemm nonqsu fost tant tiġrib, ta’ bnedmin dgħajfa li aħna, u agħmel li nieħdu r-ruħ għall-merti tal-passjoni ta’ Ibnek Ġesù Kristu Sidna, li miegħek jgħix u jsaltan flimkien ma’ l-Ispirtu s-Santu, għal dejjem ta’ dejjem.”

[Bħallum il-Knisja f’Ruma tradizzjonalment tiltaqa’ fil-bażilika ta’ “Santa Prassede all’Esquilino”, fundata fis-seklu 4 u li l-bieb għall-binja medjevali llum jinsab fi trejqa qrib Santa Maria Maggiore. Hi għażiża f’din il-knisja l-kolonna tal-flaġellazzjoni ta’ Ġes .]

Ninsabu fil-bidu tal-ġimgħa mqaddsa u l-Knisja terġa’ tagħmel supplika mqanqla għall-ħarsien ta’ Alla fuq id-dgħufija tagħna. Għaliex terġa’ tagħmel din is-supplika? Għax aħna dgħajfa u f’ċertu tiġrib, sewwasew fit-tentazzjonijiet għad-dnub, nonqsu ħafna.

Il-Knisja taf, u tistqarr, li kien minħabba dnubietna li Ġesù sofra l-passjoni u l-mewt fuq is-salib. Il-Knisja taf ukoll li wisq drabi, bl-infedeltajiet tagħna, inġibu fix-xejn it-tbatija li l-Imgħallem Divin tagħna, sabiex jobdi lill-Missier sa l-aħħar, ġarrab minħabba fina.

Hu għalhekk li l-Knisja titlob sabiex għall-merti li Ġesù kiseb għalina aħna nieħdu r-ruħ, nitqawwew kontra l-ħażen li jġarrabna fil-pellegrinaġġ tagħna fuq l-art u nagħarfu ngħixu fil-grazzja t’Alla.

Categories: Ġenerali
  1. No comments yet.
  1. No trackbacks yet.

Comment

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: